MOSORE:UJIO WA UKUTA NDIO KIFO CHA UKAWA,MBATIA HANA UTU.

Makamu mwenyekiti wa NCCR- mageuzi Taifa(Bara) amewalipua mbatia na uongozi wa ukawa huku akidai kuwa ujio wa ukuta ndio mwisho wa umoja huo.

Akizungumza na waandishi wa habari leo katika ukumbi wa habari maelezo jijini Dar es salaam,Bi Leticia mosore amesema hivi sasa kila chama kinafanya mambo yake kivyake,utakuta CUF wanahangaika kivyao kwenda hadi The hague kwa madai kuwa wamedhulumiwa katika uchaguzi uliopita,chadema nao walikuwa wanatoa matamko mbali mbali na sasa wameanzisha operesheni UKUTA  na wanakwenda kama Chadema na sio UKAWA, huu ni mwanzo wa kifo cha UKAWA.

“Ukawa ni kama imepoteza mwelekeo inashindwa kwenda na kasi ya awamu ya tano ,kiukweli tulihubiri mabadiliko na ukweli Watanzania tulihitaji mabadiliko,lakini tunashukuru mungu yale yote tuliyokuwa tunayapigia kelele kuhusu rushwa na ufisadi,uzembe na uzururaji,ukwepaji wa kodi,mafisadi kutochukuliwa hatua kali na zinazotisha lakini serikali hii chini ya mhe.rais inafanya kwa vitendo tuliyoyapigia kelele”alisema.

Pia,Bi mosore amezungumzia juu ya hatima ya chama chake cha NCCR- mageuzi kuwa kwa sasa imevurugwa na haiwezi kufanya siasa ndani wala nje ya bunge kwa maana mpaka sasa chama chake kimebakia na mbunge mmoja tu na hakina nguvu kabisa badala ya kujadili hatima ya chama ila Mwenyekiti mbatia amekuwa mkali kwamba atapigania na kuuenzi UKAWA.

“Hivi sasa NCCR- MAGEUZI imevurugwa haiwezi tena kufanya siasa sio ndani ya bunge maana amebakia mbunge mmoja tu na hata nje ya Bunge nguvu zimetuishia kabisa badala ya kujadili wapi tumetoka mafanikio na hasara za kujiunga na ukawa  mwenyekiti Mbatia amekuwa mkali kweli kwamba atapigania na kuuenzi UKAWA,kimsingi ataupigania UKAWA ili umsaidie kumuachia jimbo la vunjo lakini sio kwa maslahi mapana ya chama cha NCCR- MAGEUZI” .alisema makamu.

Aidha,Makamu Mwenyekiti alieleza sababu ya kuitisha mkutano na waandishi wa Habari kuwa ni kutotambua kusimamishwa kwake kwa uanachama na uongozi sababu barua aliyopokea haielezi  vifungu vya katiba na kanuni zilizotumika kufikia maamuzi hayo.

.“Nimepata barua iliyoandikwa agast 11,2016 yenye kumb NA:NCCR M/KM/15/15 inayoeleza kusimamishwa uanachama na uongozi ndani ya NCCR-mageuzi,Barua hiyo mbali ya kueleza kuwa ni maazimio ya kikao cha julai 16,2016 haielezi sababu ya kunisimamisha uanachama na uongozi wala haielezi vifungu vya katiba au kanuni zilizotumika kufikia maamuzi hayo halafu inanieleza kama sikuridhika nikate rufaa katika vikao vya chama”alisema makamu.

 Aliendelea kumzungumzia Mwenyekiti wake Mhe.James mbatia kuwa ana kiuka kanuni na katiba  ya chama lakini Hana utu,kwa sababu yeye alikuwa akimuuguza mumewe kwa muda mrefu ambaye alifanyiwa oparesheni julai 28,2016,lakini Mhe.mbatia hakuwai kumpigia simu kujua hali ya mgonjwa lakini bado  aliitisha kikao julai 16,2016 huku akiweka agenda ya kumjadili yeye  na kupanga watu wafikie maamuzi wanayodai waliyafikia kinyume na katiba na kanuni za chama licha ya yeye kutoa taarifa ya udhuru kwa Katibu mkuu wa chama ,hivyo ni kukiukwa kwa taratibu,kanuni na katiba ya chama ya 1992,iliyofanyiwa marekebisho 2014,sura ya kwanza ibara ya 5.

Mwishowe,Makamu mwenyekiti alimaliza kwa Kusema kuwa ameshapatiwa barua rasmi na anatafakari  juu ya hatua ya kuchukua ili kudai haki yake huku akiwashauri viongozi wenzake  wa UKAWA kuwa wanahitaji kukaa chini kutafakari  na kujipanga jinsi ya kufanya siasa za ushindani katika kipindi hiki lakini siasa zinazosaidia Taifa